CHIN (Hakha Post) – Chin Ramkulh chung tlangsang cheukhat cu National Park (Pangpardum) ah tuah le tuhual humhimnak tuah a si lai, tiah Chin Ramkulh Hluttaw Chairman nih a saduhthah le an i hmaithlaak mi The Hakha Post ah a fianter.

Chin Ramkulh chung tlangsang cheukhat Khonumthung, Kennedy, Bawipatlang, Zinghmuh, Tawtawraw, Mi-epi, Kimu le tlangsang dangdang hna zong thingram humhimnak, tuhual chung ah a um mi ramsa humhaaknak, meiduah le ram kangh runvennak tibantuk kha Chin Ramkulh Cozah nih biatak chuah in tawlrel a timh.

“Hihi Hluttaw zong nih kan ceih lengmang mi a si. A bik in Myanmar ramchung tlangsang bik pahnihnak a si mi Khonumthung (M. Victoria) tlang hi pe 10,200ft./3053 meters a sang i, 176,300 acres/70346 meters a kau mi a si. Kanpetlet le Mindat Peng chung ah a um mi a si. Hihi, 969 ti mi Ma- Ba-Ta (Phunveng phu) hruaitu U Aung Thaung nih lam a cawh ruang ah vawleipi nih a theihpi mi tlang a si kho thai lo. ASEAN Heritage Park (ASEAN theihpi mi) dum cu a si. Khonumthung tlang ah hin vawlei cung ah a cii a mit cang mi vate phunkhat a um i a cii a tlau sual lai zong phan a si. Cucu, lam an cawh, mei an duah lengmang ca ah vawleipi nih theihpi mi tlang a si khawh lonak a si. Hi zong hi biatak tein kan humhaak cang lai. Ramsa phunphun an um i thingram zong a hninghno chin lengmang mi dum ah kan ser lai,” tiah Chin Ramkulh Hluttaw Chairman Pu Zo Bawi nih an saduhthah le an i hmaithlaknak kong The Hakha Post ah a chim.

LEAVE A REPLY

Please enter your comment!
Please enter your name here