Thantlang, Chin (Hakha Post) – T h a n t l a n g P e n g taanghra awng mark santer deuhnak ca ah dirh mi committee upa hna nih siangngakchia hna cu hramhram in minung pakhat tangka Ks. 5,000 cio lakphak dawr saknak le zaanriaktu umnak inn saknak ca ah an khawlh hna tiah Septem 6 ah thawng kan theih.

“Hi lakphak dawr saknak le zaanriaktu umnak inn sak ding meeting tuahnak ah siangngakchia pakhat nih tangka Ks. 5,000 cio thawh ve hna seh, tiah biachahnak kan tuah lo. Asinain, tangka thawh ding cu ceih a si ko i cu zat, kha zat thawh siseh ti cu a um lo,” tiah hi bantuk in tangka thawhter a tong siangngakchia hna nulepa chung in minung pakhat nih The Hakha Post ah a chim.

Hi kong he pehtlai in Thantlang BEHS No.1 ah sianginn a kai lio mi pakhat nih, “Thantlang Peng cu sifak santlai lo le miharsa kan tam. Khuate lei in khuapi ah sianginn a rak kai mi ca ah cun a har ngai ko. Cun, siangngakchia dihlak zingka tonpumhnak hmun ah saya pakhat nih, innchungkhar pakhat chung ah minung pathum sianginn kai nan um zong ah minung pakhat nih tangka Ks. 5,000 cio nan thawh dih lai, tiah a kan ti,” tiin The Hakha Post ah a chim.

LEAVE A REPLY

Please enter your comment!
Please enter your name here