MYANMAR (Hakha Post) – Myanmar ram, Rakhine Ramkulh buaibainak kong ah thawngpang dik lo mi tampi a chuak tiah Daw Aung San Suu Kyi nih a chim. Innpa a si mi Bangladesh ah ralzaam in minung 125,000 an si tiin UN nih a chim mi kong ah Turkey President Recep Tayyip Erdogon he nizaan ah phone an i chawnhnak kha nihin ah thanhnak an tuah mi a si.

Rakhine Ramkulh buaibainak kong kha ramdang mi nih thawngzamh le hmanthlak dik lo mi an zamh mi kong ah Daw Aung San Suu Kyi nih a dik ning kha Turkey Prime Minister sin ah a langhter. “Thawng dik lo mi nih ralhraang pawl kha a bawmhchanh khawh hna,’ ti zong a chimh. Indonesia ram Jakarta khuapi i Myanmar le Indonesia Pehtliahnak Zung inn leng zong ah minung thong leng nih dohdalank an langhter.

Nobel laksawng cotu Malala Yousafazai zong nih Myanmar ram Muslim Rohingya rialdip an ton mi hi dohdal ding in Nobel a cotu midang pawl zong kha a forhfial hna. Bangladesh in Muhammad Yunus nih Un Humhimnak Council nih rianrang in dantat ding in le Bangladesh Prime Minister Sheik Hasina nih cun ram kip nih bawmhchanh ding in a nawl hna.

LEAVE A REPLY

Please enter your comment!
Please enter your name here