CHIN (Hakha Post) – Vietnam Company pakhat a si mi Mytel Company nih telephone line a tuah cuahmah, Chin Ramkulh Cozah nih nawl a pek ahcun November thla thawk hrawng ah 4G line hman khawh a si cang lai, tiah September 6 ah thawng kan theih.

“Myanmar Posts and Telecommunication (MPT) hi 3G lawng a si. Atu Mytel hi cu a ngah khawh ahcun 4G tiang line a kai kho lai i a tha ngaingai hnga. MPT hi a tung zong a pur dih i overhead ti mi tung bunh in hri zam si loin vawlei tang in kalter mi (underground) in tuah an si. Mytel hi khualak cu tung fiber pe 26 sang bunh in MPT he a seh pehtlaihter in kan tuah lai. Nawl nan kan pek ahcun thla khat le cheu chung ah kan lim ko lai, an kan ti. Kanmah Cozah lei nih tonbiaruahnak le biachahnak ngeih hmasa a herh,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.

Mytel Company nih a tuah mi telephone cu Cozah nih nawl a pek ahcun Sipin, Electric Zung, Lamsuul Zung, P e h t l a i h n a k Z u n g l e Vawleihmun Zung nih an zohfel lai i November thla thawk ah 4G line hman khawh a si cang lai, tiah theih a si.

LEAVE A REPLY

Please enter your comment!
Please enter your name here