CHIN (Hakha Post) – Thial lengmang mi tlanglo thlawh in a hmun mi dumhau ah kan i thlen khawh i, a bik in dumhau a ngei mi cu thlaicii in siseh, ti le lamsuul tiang in bawmhchanh an si lai, tiah Chin Ramkulh Hluttaw Zung in thawng kan theih.

“ C h i n R a m k u l h khuate kip ah khua khat tangka sing 100 cio bawmh ding a si i Thlanglei Chinram cu bawmh dih an si cang. Chaklei ah Thantlang Peng bawmh an si ve cang. Hihi a hmun mi lo tuahtu hna thlaicii cawknak ca ah siseh, a herhnak kip ca hman ding ah kan bawmh mi hna a si. Khuate Thanchonak Zung zong nih tangka sing 300 cio an bawmh hna. Hmailei zong ah a herh ning in bawmhchanh an si rih lai,” tiah Chin Ramkulh Hluttaw Chairman Pu Zo Bawi nih The Hakha Post ah a chim.

“Kan pum pawcawmnak hi thlen hrimhrim a herh cang. Chinram hi Ramkulh dang lak ah sifak bik kan si ti nakhnga lo 2018 kum kan i hmaithlaak mi pakhat cu a hmun mi dumhau tuah hi a si. Khua pakhat nih lopil pil 10 an ngeih mi kha a hmun mi dumhau cun lopil 2 or 3 hrawng nih an paw a cawm khawh hna lai. Cu lawng si loin, kan tuhual hna an hninghno lai, thli thiang kan dawp kho lai, vawlei a tha lai i pawcawmnak a har tuk ti lai lo. Dumhau a tuah mi cu thlaicii in siseh, lamsuul in siseh, ti tiang in kan bawmh hna lai,” tiah a chimchap.

LEAVE A REPLY

Please enter your comment!
Please enter your name here