CHIN (Hakha Post) – Chin Ramkulh motor khualtlawng mi chuahcaan le umkal ning mizapi nih duhnak langhter in kan thlen lai, tiah Chin Ramkulh Lamsuul Minister Zung in September 6 ah thawng kan theih.

“Hi motor chuahcaan hi a tuan deuh, a tlai deuh ko tiin mizapi nih kan duhnak kha zalong tein chim khawh a si. Bus Terminal (car-gate) tuanvo ngeitu hna he kan i ceih lai i a herh ahcun a tha bik in kan thlen lai. Mizapi nih kan duhnak cu Chin Ramkulh Lamsuul Zung (070-22388; 09-442000145) ah siseh, The Hakha Post Zung ah siseh, zalong tein kan duhnak chim le langhter khawh a si,” tiah Minister Pu Sui Thio nih The Hakha Post ah a chim.

“ H a k h a – T h a n t l a n g (Thantlang-Hakha) a chuak mi hi Aye Chan, Taungzalatt le Chin Taungtann kan si. Kan motor chuahcaan hi zinglei suimilaam 6:00 le chun suimilaam 11:30, 12:00 tibantuk in motor ngan he kan chuak i nihin tiang cu a tuantlai kong ah aa rel ngai ko tiah ka ruah. Tahchunhnak ah Thantlang in zinglei 6:00 in an rak i thawh i, Hakha 9:00 hrawng ah an phan. Cun, 12:00 hrawng in Mandalay ah an lan kho i Yangon tiang va lanhnak zong ah aa rel ngai ko,” tiah Hakha Aye Chan Express in tuanvo ngeitu pakhat nih The Hakha Post ah a chim. “ A b i k i n H a k h a – Thantlang/Thantlang-Hakha motor chuahcaan hi mizapi nih an siarem lo kho mi a si. Tahchunhnak ah Thantlang in tuan tuk in an rak i thawh. Hakha ah duhherh zaal manh loin chun ah a kir than mi hi zaanlei deuh hna ah kir a duh mi an um lai. Cucacah, mizapi nih kan duhnak kha zalong tein chim khawh a si,” tiah Pu Sui Thio nih a chimchap.

Hakha khua ah Hakha- mann Express, Chin Taungtann Express, Aye Chan Express, Taungzalatt Express, Taungpyatann Express le Shwe Chandeik Express tiin Bus Terminal (car-gate) 6 a um. Chin Ramkulh Cozah nih Bus Terminal hmun zong a zoh cuahmah bantuk in mizapi duhnak kha laak in motor chuahcaan thlen timh a si, tiah kan theih.

LEAVE A REPLY

Please enter your comment!
Please enter your name here