Rakhine (Hakha Post) – Rakhine Ramkulh, Maungdaw Peng, Mitaih khua ah ralkap le ARSA ralhraang 20 hrawng le Myanmar ralkap cu September 3 ah an i kap i Myanmar ralkap nih khuachung in an dawi khawh hna.

T i n b a w k u a i h khua zong ah ARSA ralhraang 30 hrawng le Myanmar ralkap an i kap ve i Myanmar ralkap nih khuachung in ARSA cu an dawi khawh thiamthiam hna. Asinain, cu an i kah chung ah inn 500 renglo a kaang i zeimawzat an sung. Hi bantuk in ARSA nih Maungdaw Peng Okpwe khua le Ngakhu khua inn 50 reng lo an duah than. Cun, September 4 zinglei ah Maungdaw Peng Ohndaw khua Nitlaklei khuate inn 120 zong an duah than.

Cu bantuk cun Zawmatat khuatekomh chung in inn 30, Sawkina khua inn 50 le Hinthada khua 10, a dihlak inn 90 an duah rih, tiah theih a si. Hi bantuk in ARSA le Myanamr ralkap an i kah chung ah ARSA ralkap ruak hnih an char hlei ah raltuknak hriam fa le hriam ngan zeimawzat, kuanfang, zenthong, naam le a dangdang hriam zeimawzat cu Myanmar Ralkap nih an chuh khawh hna. (Ref: DVB)

LEAVE A REPLY

Please enter your comment!
Please enter your name here