TEXAS –The Central States Football League nih Football celhzuamnak an thok in zarhkhat chung a celh mi hna lak ah upat tlak timi min thathnak an pek. Tluang Al Hmung hi Southwetern Assemblies of God University ah a kumhnih nak sianginn a kai lio a si. A tu a sianginn kai nak ah hin Football celh in scholarship a hmu I an sianginn football team ah Kicker (Football a chuihpiak tu hna) dirhmun in a celh lio pi a si.

Tluang Al Hmung, Football a chuih hnik lio.

A voikhatnak bik Lion team in a celhnak ah Point 9 a hmuhpiak hna tiah SAGU Sports Network nih an tarlangh. “Tluang Hmung hi, bawlung a chuihtik ah punghman (chuihkhawh ning) tein a chuihkho mi a si I, bawling chuih ning ka chimhmi hna lak ah a mah bantuk in a chuih kho tu cu a mah lawng hi a si” tiah a cawnpiaktu/Coach Frank Tristan nih a chim. “Nifatin in, lungthawng le zuamnak lungthin he cawnnak ah a rak ra peng I, a zuamnak theipar a zuun ko” tiah Trastan nih cun a chimchap.

Tluang Al Hmung hi Sainglairuun (Middle School) a kai in Siangsang (High School) a dih tiang zong ah sianginn caah Basketball, Soccer le Football a rak I celh hna. A tu cu Southwestern Assemblies of God University ah Football Scholarship in sianghleiruun a kai lio pi a si. Lewsville, Texas ah an chungkhar khua an sa hna.

LEAVE A REPLY

Please enter your comment!
Please enter your name here