CHIN (Hakha Post) –  2015 kum kokek harton lio ah ramchung ramleng in s i s e h , a k a p k i p i n bawmhchanhnak tangka hlei sing 6000 cu Zung kip nih a herhnak ah hman a si nain ningcang tein hman timh a si ko, tiah September 4 ah MP Dr. Hmuh Thang sin in thawng kan theih.

“Hi tangka hlei kong hi August 30-31 Hluttaw meeting ah biahalnak ka tuah. 2016 March thla tiang ah sing 6000 hrawng a hlei i cucu zeitindah hman timh a si, tiah ka hal hna. “Inn saknak le inn hmun siseh, Zungkip nih anmah le an herhnak cio ah an hman,’ tiah an ka leh. Hihi hartong bawmhnak a si bantuk in felfaite le ningcang tein hman awk a si, tiah ka ti ve hna. An hman zong cu budget lei chambau ruang ah a si lai cu.

Asinain, ningcang tein kan hman ko lai, tiah an ka leh ko,” tiah USDP in Hluttaw Palai Dr. Hmuh Thang nih The Hakha Post ah a chim. “Tutan Hluttaw meeting ah biahalnak dangdang zong kan hal ko hna. An kan leh ko, a si khawh chung in rian zong an tuan ve ko. Tlam a tling rih lo mi zong cu a um ve ko. A ruang cu mithar deuh lawngte kan si hna tik ah training kai bantuk lawngte kan si hna i, ruahthiam a hau. Hmailei ahcun hi nakin an tuan khawh deuh te ko ti ka zumh,” tiah a cunglei MP nih a chimchap.

LEAVE A REPLY

Please enter your comment!
Please enter your name here