CHIN (Hakha Post) – Magwe Ramthen le Chin Ramkulh ramri Mann Zinaan khur le Thohsyapin Zinaan khuar hrawng ah Zinaan thahri (khur) thar kan hmuh, tiah Magwe Ramthen Chief Minister Dr. Aung Moe Ngyo nih a chim.

“Hi Zinaan khur cawhnak le tawlrelnak kong ah Chin Ramkulh Cozah he i ruah hmasa a herh. Hi khur hi meng 20 a sau i a vaang hi meng 3 a kau. Chin Ramkulh Cozah nih a cawh an siang lo. Chin Ramkulh chung ah a um mi a si bantuk in kan ram Federal State kan hmuh ahcun an thancho nakding a si ve ca ah an sian lo mi a si, tiah kan theih,” tiah Dr. Aung Soe Ngyo nih a chim.

Hi Zinaan khur cu Kanpetlet le Sedohtayar khua kar ah a um mi a si. Zinaan lei thiamsang nih a kawl i a hmuh mi a si i cawh awk le hman awk tha ngai ding a si ca ah Pyidaungsu Cozah le Electric Minister sin ah theihter a si. “Kanpetlet ramchung Zaa tlang ah hin leitang chuak phun 5 in 10 tiang a chuak kho mi a si. Asinain, hi tlang hi khuami nih an cawh, an duhpoh in an tawnhnawl, acid thilri an hman ca ah Mone tiva chung ah ti thur a luan ca ah Sedohtayar khuami nih kan duhlo. A ngaingai cu Sedohtayar i Shwe Kyauh tlang zong ah leitang chuak thil tampi a um ko nain kan cawhter hna lo,” tiah Sedohtayar Hluttaw Palai U Tun Tun Win nih a chim. (Ref: 7Day News)

LEAVE A REPLY

Please enter your comment!
Please enter your name here