TEXAS – Texas khua cheukhat i a cang mi thlichia le tilu ruangah minung 39 an nunnak a liam cang. Inn 185,149 a rawk i, minung 364,000 nih FEMA sinah bawmhnak an hal cang. Minung 200,000 mei lo in an um i, milu 120,000 cu ti din awk ngei lo in an um. A tu hi, Corpus Christie hawnghrang ahcun a rawk mi remhnak an thok cang nain, Houston le a pawngkam ahcun minung nunnak khamh rian an tuah lio a si.

U.S. ah Chin mi kan tam biknak a pahnih nak khua ah hi thil a cang mi a si. Chin’s Pastor cheukhat nih Chin mi nih kan si khawh nak cio in kan bawmh ve hna ding a si nak an langhter. Fak bik in harnak a tong mi khua Houston ah hin Chin mi tampi kan um ve nak a si. Tu ni tiangah cun, Houston khuasa Chin mi cu an him rih hna tiah kan theih.

Chin mi nih kan bawmh ve hna nak ding kong ah Biaknak lei kan pa Rev. Dr. Chum Awi nih E-Group ah a thlah mi kan van in hrawmh chin hna.

Rev. Dr. Chum Awi, Dallas i Chin National Day lio biachim nak a ngeih lio.

Bawi Khrih ah U le nau vialte hna,

Texas Nichuah-thlanglei ah a hrangmi ttochia Hurricane Harvey nih a hrawhmi inn le lo le mithi kong hi ruah ngam ding hmanh asi lo. Bnb ah: Ngakchia 4 hna cu an putar le pitar he motorpi chungah tilian nih a fanh hna i an thi dih. Minung 30 dengmang an thi cang. Ngaih a chia tuk. A rawkmi hi a man in chim cawk lo asi cang. Texas lei nan rak kan hramhkauhnak bia vialte kan theih dih. Kan ilawm. Atu cu USAram umtuning in, bulhnak hi, kan si khawh chungin pe cio hna usih, tiah kan sawm hna.

  1. CBC-USA le a chungtel hna nih ABC-USA ah One Great Hour timi asilole Homeland Ministry ah;
  1. Red Cross ah;
  2. Mah le region biaknak organization cioah tiin bulhnak pek awk kan si.

Tahchunhnak: Kan Khrihfabu nih BGCT ah le pumpak le innchungkhar nih Texas Baptist Men ah tiin pek khawh zat te pek kha a biapi ngaingai. $10 cio tein bulhnak vun kua u, a timi thawngthanhnak zong a um len. Izuam cio hna usih.

Note: A kan ngia ziartu an um ko dah fawh iai!

Bawipa min in,

Chum Awi

Siaherhnak he

Rel chap:HOUSTON HARTONG BAWMH DING, HODAH KAL LAI? S. HRE KIO LE RONALD C. NUNUK

Bawmhnak kong ah : HOUSTON THLICHIA LE TI LU : HMANTHLAK ZOHNAK LE BAWMHNAK

LEAVE A REPLY

Please enter your comment!
Please enter your name here