Chin (Hakha Post) – Thantlang khua ah chawdawr tuah mi hna le company tuah mi hna nih ngunkhuai a pek ding ningcang cawnpiaknak cu August 30, Thantlang Town Hall ah an tuah. Hi bantuk in cawnpiaknak hmun ah papek in cawnpiaknak tuah mi le fianternak tuah mi cu, company ngei mi nih ngunkhuai a pek ding ningcang a si, tiah theih a si.

“Company ah hin phun hnih in an um. Ramchung company le ramleng company tiin an um. Ramchung company nih cun zatuak 100 ah 25 hi rian a tuan i a hmuh mi chung in Ngunkhuai Zung nih tuakpiak in ngunkhuai a pek lai. Zatuak 100 chung ah 5 cu rian a hmuh mi ca ah a hlankan in a pek ding mi a si i zatuak 100 chung ah 2 hi tangka a lut mi a hlankan in a pek ding mi a si,” tiah Chin Ramkulh Ngunkhuai Zung Lutlai U Khin Maung Tan nih hi cawnpiaknak hmun ah a chim.

Mobile dawr a tuah mi nih zatuak 100 ah 5 ngunkhuai pek ding a si i zu zuar mi nih cun ngunkhuai a pek ding mi cu a zu palang chin ah a langhter ning in ngunkhuai pek a si, tiah theih a si.

LEAVE A REPLY

Please enter your comment!
Please enter your name here