Chin (Hakha Post) – Chinmi hlasakthiam minthang Solomon Menrihai Music Ministry nih September 1, Hakha Carson Hall ah Gospel Concert an tuah than lai, tiah thawng kan theih. Solomon Menrihai Music Ministry (SMMM) nih tutan Gospel Concert tuah an timh mi hi a voi hnihnak a si lai. Hakha (September 1), Thantlang (December), Falam (November), Tahan (October) ah an tuah than lai. Hlasatu ding hna cu Solomon le a naule an si lai.

“Gospel Concert kan ti tik ah phundang tein kan tuah lai. Thangthatnak hla, tette khaan, thlacam, tibantuk in Pathian thangthatnak a phunphun in tuah a si lai. Hi kan tuah mi in kan hmuh mi fund in hmunkip ah crusade le camping tuahnak ah kan hman lai. Ticket zuar in kan tuah lai. Ticket pakhat ah Ks. 1000 lawng in kan zuar lai ca ah mizeipoh nih thazaang pek khawh cio a si. Pathian ram kauhnak ca ah kan tuan mi a si ca ah zumtu tampi nih thazaang kan pe cio u,” tiah SMMM in an hruaitu Solomon nih The Hakha Post ah a chim.

SMMM cu an dirhnak in kum 3 a tling cang i Gospel Concert in fund an kawl, an hmuh mi in hmun kip ah crusade le camping an tuah, tiah thawng kan theih.

LEAVE A REPLY

Please enter your comment!
Please enter your name here