Myanmar (Hakha Post) – Nihin tiang a buaibai cuahmah mi Rakhine buaibainak kongkau cu Chan khat hnu chan khat, kum khat le kum khat a changchang in khi hmun ah Cozah rian a rak tuantu hna dinfel lonak ruang zong aa tel ve, tiah Pyidaungsu Biaknak lei le Nunphung lei Minister Thura U Aung Ko nih a chim.

“Hi buaibainak daihternak le ramri a him khawh nakding ah cun ramchung daihnak le Ramhrinfa dihlak i rualrem hmasa a herh lai. Cu daihnak ser khawhnak ca ah cun remdaihnak kong ah aa peh tlai mi kap hnih hna nih mah le chawlehnak, mah ca miaknak vialte kaltak in dawtnak le i zawnruahnak he lawng tuah khawh a si lai,” tiah Pyidaungsu Biaknak lei le Nunphung lei Minister Thura U Aung Ko nih a chim.

“Hi bantuk in Rakhine ram ah buaibainak kan ton mi zong hi, chan khat hnu chan khat, kum khat le kum khat a changchang in Cozah rian a rak tuan mi hna an dinfel lonak ruang zong aa tel. Nihin ahcun minung kha minung thiamthiam in khamh ding dirhmun kan phan cang. Hi khamh ding mi minung hna hi humhimnak tha tein pek khawh an herh. Cu ti a si lo ahcun, hi hnu kum 10 in kum 20 ah cun cawnpiaktu tha ngai a si mi tuanbia ah a cang te lai,” tiah Thura U Aung Ko nih a chimchap.

Hi Rakhine kong ah Myanmar Ralkap nih a hal mi humhimnak lei tuanvo kha, rikhiah um lo le upadi he aa Rakhine kong cu chan khat le chan khat Cozah riantuantu hna fel lo ruang zong aa tel: Thura Aung Ko tlak ning tein nawl pek ding zong, USDP in Bogyoke Hmugyi hlun cheukhat hna nih an ruahnak an langhter. Rakhine kong ngiathlaitu ding ah chiah mi U Maung Maung Soe nih, “Cozah le Ralkap a ke karhlan ning aa rual hmasa a herh. A ruang cu, hi buaibainak hi Myanmar ramchung lawng si lo in vawlei pumpi nih theih dih mi a si ca ah a si,” tiah a chim.

Hi Arakan Rohingya Salvation Army (ARSA) hna cu a sawhsawh ah ruat lo in an ngeih mi hriamnam, meithal, bomb, nam le a dangdang hna in kahdohnak le tukvelhnak an tuah. Hihi zoh sawhsawh awk ah rauh ding a si lo zia le vawlei cung pumpi nih ral zoh in aa zoh mi ISIS he hmanh pehtlaihnak an ngeih khawh zia zong, a langhter. (Ref: The Irrawaddy)

LEAVE A REPLY

Please enter your comment!
Please enter your name here