Chin (Hakha Post) – Myanmar ram Zukcawl Vawlei ah minthang Academy Fitlaw Wai Lu Kyaw le a hawile (Wai Lu Kyaw Foundation) September 5 or 6 ah Hakha an phan lai, Thantlang Peng Tikir khua tiang an kal lai, tiah tuanvo ngeitu upa pakhat sin in August 30 ah thawng kan theih. Tutan Chinram a rak tlawn cu Hakha khua ah siseh, Thantlang Peng Tikir khua ah siseh, Australia ram nih an cin mi hramh phun khat (fu bantuk) cin ah a si.

Hakha ca ah Rev. David Biak Kung hmunhna ah a cii asiloah a caang/ thluan chiah le erh chung a si lai i a herhnak ah cin a si te lai. Tikir khua zong acre 3 tluk kau mi hmun ah cin a si lai.“Hi hramh kung hi an chimnak ah satil nih an ei mi a si. Vok, ar, caw, meheh, tuu tibantuk nih an ei mi a si ca ah zuatkhalhnak ca ah a tha tuk. A cii zong hi a mit kho lo mi a si an ti. Fitlaw Wai Lu Kyaw nih hin Chinram a rak phanhka 1998 kum lio hrawng (ေက်ာင္းသားပ ဲြေတာ္) k h a n Chinram kan khuasak tintuk harsak ning a rak hmuh cang i zuatkhalhnak, cinthlaknak, ti le mei tibantuk bawmhchanh ding hi a lung ah a rak um peng mi a si. Amah hi k o k e k h a r b a w m h c h a n h lawng si loin cinthlak lei a zuam ngai mi le “Rua” tampi a cing mi a si. Amah a min ‘Wai Lu Kyaw’ ti mi zong hi rua phunkhat min a si. Chinram zong ah rua tampi cin a timh.

Tutan hi Vice President-2 Pu Henry Van Thio he zong tonbiaruahnak an ngei cang. A hawile minung 10 hrawng he an si te lai,” tiah amah a hun zuultu ding tuanvo ngeitu Evan Tluang Thang nih The Hakha Post ah a chim. “A khuallam cu Hakha ah Media hna le khuami hna he tonbiaruahnak a ngei lai. Hakha College siangakchia hna le Chin Ramkulh Cozah Chief Minister le Ministers hna he tonbiaruahnak a ngei lai. Cu hnu ah Tikir khua ah a lan te lai. Amah hi Zukcawl lei minung a si bantuk in mino hna sin ah thazaang pek le i hawikomh hi a duh ngai mi a si ca ah mino tampi zong i tel kho hna sehlaw a tha tuk hnga,” tiah a cunglei upa nih a chimchap.

Fitlaw Wai Lu Kyaw cu 2015 kum Chinram kokek harton lio zong ah chawva, tangka le fimchimhnak in siseh, amah mipum i tel in bawmhchanhnak tampi a tuahtu a si i, Chinram thanchonak ca ah siaherhnak he chunmang tampi a ngei mi a si, tiah kan theih.

LEAVE A REPLY

Please enter your comment!
Please enter your name here