CHIN (Hakha Post) – Chin Ramkulh A term hnihnak i, A Voi Riatnak Hluttaw Meeting cu August 30 in an thawk than i tutan ah a rak chuak mi MP pawl nih biahalnak hleihnih le biatung pahnih an chuahpi tiah thawng kan theih.

Tutan a nikhatnak ah an chuahpi mi biahalnak hna cu: Tedim Peng in MP Pu Suan Do Cin nih “Tedim Peng Haimual khua in Falam Peng Sa-ek kar meng 26 lam cu pe 18 in cawh ding kong, Tedim Peng in MP Pu Thang Deih Khup nih “Tedim khua sii-inn cu ihkhun 100 in 150 ah kaih ding kong, Thantlang Peng in MP Pu Van Thawng nih “Chinram thanchonak ca ah Ramkomh Cozah nih Cinthlak, Zuatkhalh le Semiang Zung in Mya Sein Young Simanking tiin 2013 in tangka rak cawih mi a cham lo mi pumpak le khua pawl hi zeizat dah an um i zeitin dah dantat an si cangnak kong, Tedim Peng in MP Pu Thang Deih Khup nih Tedim Siiinn mizaw hna ca ah dinti peknak kong, MP Pu Van Thawng nih “Thantlang- in Khuafo kar lam kattaza phahpiak ding kong, Tedim Peng in MP Pu Thang Deih Khup nih “Tedim Peng Zingte khua, Uilui tiva in Rihkhawdar tiang lam thar cawh ding mi cu India le Falam kar ramri lam ca ah a thathnem tuk lai ca ah hi lam cawhnak ca ah budget pek ding kong, Thantlang Peng in MP Dr. Hmuh Thang nih “Hnaring le Fanthen khua pawl an lo thlairawl zuu nih a pamh ca ah Ramkulh Cozah nih bawmhnak pek ding kong, Tedim Peng in Pu Thang Deih Khup nih “Tuithang khuachung (2/4) meng cu kattaza lam phah khawh nakding budget pek ding kong, MP Dr. Hmuh Thang nih “Motor ngan a dir mi kha motorcycle nih a pah tik ah i remthat nakding ah motor ngan ngei mi nih tangka tamtuk an liam mi liam lo ding kong, Tedim in MP Pu Thang Deih Khup nih “Tedim Peng Tuithang khua tanghra sianginn a thar sakpiak nakding kong, MP Dr. Hmuh Thang nih “Siangcachimtu hna thlenremhnak hi April le May chung ah tuah dih ding kong, Tedim Peng in MP Pu Thang Deih Khup nih “Haimual-Kuilam- Vokbuk tiang meng 6, pe 18 kau in budget pek ding kong hna hi biahalnak an chuahpi.

Cun Kanpetlet Peng in MP U Phwe Ar nih “Chin Ramkulh Peng kip Town Plan Committee ah khuami nih thim mi MP pawl hrelh lo in telh ding in biatung le Chin Ramkulh Cozah Finance lei in 2017-2018 budget tangka chapchuannak nawl le tuah cia mi ruahdamh cazin chuahpi ding biatung hna hi tutan ah an chuahpi mi a si.

LEAVE A REPLY

Please enter your comment!
Please enter your name here