Las Vegas – Mayweather le McGregor I thonghnak cu tuzaan (Aug. 26. 9 p.m. ET.) ah T-Mobile Arena, Las Vegas ah an I thawng taktak cang lai. Boxing tuanbia ah tei khawh lo mi (a sung bal lo) Floyd Mayweather (U.S.A) le UFC Champion  Conor McGregor (Ireland) ah a ho dah a tei lai ti cu tuzaan ah a fiang cang lai. Mayweather hi voi 49 a thawng cang I voikhat hmanh a sung rih lo mi a si. Tutan a voi 50 nak a thongh nak I teinak a hmuh than ahcun 50-0 in tei khawh lomi Boxing Champion a si lai. McGregor hi Voi 21 aicelh cang I voi 3 lawng a sung rih.

Conor McGregor nih a tei ding ai zumh nak kong ah “Mayweather cu Round 2 nak ah a sung colh lai. A pum zong a fa tuk. Boxing nih Champion thar a ngeih caan a za cang. Ka bia I chinchiah uh, Round 2 nak ah ka tei lai” tiah tuzaan ithonghnak ding kongah a chim. Mitamdeuh nih McGregor nih tei ding an zumh caan an phaisa cu McGregor lei ah an thap hna.

Tutan I thonghnak ding minthut nak a ngeih ning ah Mayweather nih Million 100 a ngah lai i, McGregor nih Million 30 a ngah ve lai, ESPN nih an report ning. Mayweahter nih Pacquiao he an rak ithongh lio ah mah zat hi a rak ngah. McGreogr caah cun phaisa angah mi vialte lak ah a tam bik caan a si. Hi phaisa an ngah mi pin ah PayPerView phaisa lut mi, a hmun zohnak phaisa lut mi le a dangdang phaisa lut mi chung zongin phaisa an hmu rih lai. A number cu hruhnak si ko.

Floyd Mayweather vs Conor McGregor

Ani le caan: Saturday, August 26, 2017 @9 p.m. ET. (Dallas cun zaan 10:00 in 11:00 hrawng)

Ahmun: T-Mobile Arena, Las Vegas

Zohnak: Showtime Pay Per View

A man : $99.95

 

LEAVE A REPLY

Please enter your comment!
Please enter your name here