Chin mi nih thazaang pek ngai mi Chin nu Lar Dint Htar Yi cu Top 5 zuamnak in a tla cang. Top 2 ah aitel ti lo. Nay Min Ein le Key cu Top 2 ah an kai cang. Online in vote peknak in le Judge pawl biakhiah piak nak in a pahnih nak dirhmun ah a um nain Ooredoo SMS voting (40%) tlawmtuk angah ruangah a tla cang.

” Top 5 tiang ka phak khawhnak hi Pathian thawngin a si. Hi dirhmun tiang phan dingin a ka tanhtu (fans) vialte cungah ka lawmtuk. Kan dawt tuk hna” tiah Top 5 zuamnak in a tlak nak kongah lungumbia chimnak ah a chim.

Hi Galaxy Star hlasak zuamnak ah Kawlram dihlak in minung 20,000 leng nih an izuam i atu bantuk in Top 5 tiang a phan mi Chin nu Lar Dint Htar Yi a si. Top 8 tiang ah Chin pa John Thanga zong a tel ve.

Lar Dint Htar Yi nih hmailei zongah pehzul in ringawn (hlasak) nak lamthluan ah kal rih a timhnak a chimchap.

Top 5 zuamnak ah hla a sak lio

 

LEAVE A REPLY

Please enter your comment!
Please enter your name here