Florida, USA – USA Florida ramkulh I Terry Parker High School ah Valedictorian (mark sangbik) angah tu Chin nu Ngun Tha Par cu University of Florida ah sianginn kai a thok cang. Biology a la I, Medical School (Sii lei cawnnak) kai aitimh caah mah he aipehtlai mi pawl a cawng.

Valedictorian a si nak in bia achim lio
Sianginn a um nak hmun.
Valedictorian a si nak in bia achim lio

 

US ah College a kumkhatnak a kai lio mi na si maw?

US ah Chin mi kan karh hoih in College kaimi zong karh chin deuhdeuh a si. College kai tik ah a kum khat nak hi a biapi taktak mi a si. Theih lo mi a tam. Ipalh awk a tam. College a kum khatnak a kai lio mi le College a kum khat nak a kai zau lai ding mi hna nih atang lei ruahnak cheuh le thazang peknak ca hi rak rel ve hrimhrim. Sianginn na kainak ah thazang an petu le na lamthluan ah bawmchan tu a si kho mi an si.

“”Na lungduh mi te kha cawng ko. Thlichia nih an tlunhnawh tik ah lungdong lo tein an peh ter tu na thazaang tha bik asi te lai. College hi cacawn menmen nak lawng asi loin kan ii theih lomi hmailei kan nunnak lamthluan kong theih khawhnak ding kawlnak le cawnnak hmun asi. Hawi he ai peh tlai peng ii dawtnak he fimkhur tein thanchonak lei ah a duhnak tawng tak mi mino si I zuam hna uh sih.””

Mang Khar Lian

Bachelor of Business Administration

Master of Science in Accounting

Southern Methodist University

Edwin E. Cox School of Buisiness

Class of 2015

 

“Don’t lose your path in the forest because of the trees”

“Tupi lak ah thingkung ruangah lam tlau hlah”

“University kai cu tupi (forest) chung in khual tlawn he a lo. Tupi chung cu lam fiang a um lo; thingkung (tree) phun phun in a khat. Mah thingkung hna cu na khual tlawn nak ah hna hnawh tu an si tawn (chungkhar lei in, biaknak lei in, community lei in, hawi kom lei in…tbk). Sianginn na kai lio ah mah thingkung pawl lawng te na ngiat, naa buai pi peng ah cun tupi chung in na chuak kho lai lo; lam na tlau lai i naa tinh mi hmun ah na phan kho lai lo. Har nak na ton caan/hna hnawh nak phun phun nih an zelh caan ah, zei ruang ah dah sianginn ka kai (zei ruang ah dah tupi chung ka rak luh) ti mi kha ruat tthan.”

Harmon Bawi Tha Bik Lian

BSBA Business Management & B.S. Political Science with honors

University of Nebraska at Omaha

Class of 2016

“Advisor ton leklek a biapi tuk. Major kongah lungawtawm in na um cun Career Center ah kal, an in bawmh lai. Campus Textbook aman an fak tuk hna I alenglei ah i cawk deuh. Professor te nih pek mi Syllabus tha tein theihdih le zulh dih izuam. Mirang ca aiharh pah mi na sic un Language Center timi ah bawmh va hal peng hna. Na tei deuh lo mi Class hna caah sianginn ah alak in Tutor achim mi an um peng, bawmh hal hna. Ca zoh caan thatein I suai law zulh khawh hrim I zuam. Na Professors te he naihniam izuam, Scholarship soknak, Internship tuah nak le rianngah nak tiang an bawm kho tu an si. College kumkhat nak hi abiapituk mi a si. Zingfatin thlacam, abik in Class na luh lai ah thlacam nak ngei ta peng.”

Tha Uk Ceu

University of North Texas

Senior year

Majors in Biology & Minor in Chemistry

“Sianginn ah a um mi Organizations pawl va join [itel ve] ah khin kan chanbau tuk. Advisor te ton hi kan tih tukdeuh. College i organizations pawl ah iteltum ve uh. Advisor hi thlakhat voikhat tel tong hna uh. Freshmen nan si rih ko lai nain Study Aboard [Ramdang ah ca va cawn] hi thate in hlethlai in tuah khawh izuam uh.”

Olivia Ling

University of Texas at Dallas

Junior year

Double Majors in International Studies & Political science

Ruahnak cheuh le thazang pek nak in a caan akan petu Mang Khar Lian, Harmon Lian, Tha Uk Ceu le Olivia Ling  cungah kan I lawm. A tang I LINK pawl hi Tha Uk Ceu nih sianginn ca acawnnak ah a ka bawmtu an si tiah a ti mi kan van tar chih.

https://www.khanacademy.org
https://www.edx.org
https://www.coursera.org
https://www.clutchprep.com
https://www.youtube.com/user/patrickJMT

Sianginn athok cang mi le athok zau dingmi nan dih lak Nan lam tluanghram seh.

LEAVE A REPLY

Please enter your comment!
Please enter your name here