Indianapolis, Indiana – Indianapolis ah hrambunh mi Burmese American Community Institute (BACI) nih, U.S. Refugee laknak kong le Burma ram ralzaam hna dirhmun kong hlathlainak an tuahmi cu zapi sinah an thanh cang.

June 30, 2017 tiangah US ah Burma ralzaam milu 169,949 hi kum 2000 thok khan kan phan cang tiah BACI nih an phuan. US Refugees luhnak kong ah BACI nih hlathlai nak an tuah nak ah 1975 thok in ralzam milu 3,386,771 hi US nih a lak hna I cu chung ah 5% siloah milu 169,949 hi Burma ram in a ra mi ralzam kan si tiah an phuan.

Chinmi tambik kan umnak Indiana ramkulh ah Burma rammi dihlak 23,267 an um I, Ralzam in a phan mi milu 17,662 hrawng an si. Cu chungah 86% siloah 15,203 hi  Chin mi an si tiah BACI hlathlai nak tuahtu hna nih an hmuhchuah.Indiana ramkulh khuasa Burma ralzaam chungin 38% siloah 6,714 hna hi Secondary Migrants timi hmundang/State dang in a rak ithial/peem mi an si hna. Milu 6,714 chungah 6,361 cu Chin mi an si tiah BACI nih an phuan.

July 17, 2017 tiangah U.S. ah Burma rammi ralzaam in a phan mi hna cu:

1. Karen (71,353)   2. Chin (59,679)   3. Karenni (12,490)   4. Burman (5,878)    5. Kachin (3,916)  6. Arakanese (2,531)  7. Mon (2,261)   8. Shan (1,212) le  9. Adangdang (10,629) hna an si.

BACI nih hlathlainak an tuah ning ah Indiana ramkulh ah Burma ralzaam hi ralzaam dang vialte nak in tambik an phan hna. Riantuan nak ruah le chungkhar/ hawi le kom ruah ah Indiana ah an phan bik hna tiah an hmuhchuah.

BACI ED Salai Elaisa Vahnie he Chinmi Refugee kong biaruahnak  zong atang link ah hin zoh chap:

Salai Elaisa Vahnie

LEAVE A REPLY

Please enter your comment!
Please enter your name here