Hakha khua hi a him taktak cang maw?

-Written by Pu Thla Hre (Chairman, HCMPC)

2013-2014 kum thawk in Hakha ah saduhthahnak nganpi kan rak ngeih mi cu Hakha khua hi Chin Ramkulh khualipi a si bantuk in ningcang tein a thangcho mi khua si ding ah kan zapi i zuam cio usih ti in sang kip ah tonbiaruahnak kan ngeih hnu ah 2014 October 10 ni Town Hall ah khuami tampi he tonbiaruahnak (Consultation) kan rak ngei hmasa. Hakha City Master Plan Committee (HCMPC) cu sang kip tonbiaruahnak in aa thawk i 12.9.2015 ni HBC Strait Hall ah Structure tlamtling tein theihternak kan ngei. Cu hnu ah CBC,USA in a kan tlawng mi ai-awhtu kan pale Rev. Thlaawr Bawihrin, Rev. Zam Mang Mualcin, Rev. Thawng Ling Mualhlun le HCMPC tonbiaruahnak cu HBA Hall ah kan ngei than i CBC,USA he pehtlaihnak kan thawk. Cu hnu cun CBC,USA in an rak thlah than mi hna Rev. Dr. Chum Awi le Pu Thawng Za Lian he HBC Hall ah biaruahnak kan ngei than.

CBC,USA nih Chin Ramkulh pumpi le Chin miphun umnak hmun kip ah an thazaang tampi an chuah mi kan hmuh. Hakha khua an dawt tuk ve ca ah Chin State Uktu hnatlaknak le Foreign Ministry hnatlaknak, Union Cozah hnatlaknak an laak i HCMPC Chairman (Sipin Director) keimah Pu Thla Hre cu 7.1.2016 in 7.2.2016 tiang America ramchung khua tampi ah Urban Planning suai ning kong le khua sersiam ning, kokek ral kilven ning, pawngkam thianhhlimhnak kong ca ah hlathlainak le zohfelnak ka rak ngei kho. Cu lawng si loin Colorado State, Denver khua ah CBC,USA, CRRC meeting kai ding in special in an ka sawm i biachimnak caan an ka pek ve. Chin Ramkulh le Hakha khua thancho nakhnga, khua humhimnak ca ah ti in US$ 116,000 HCMPC ah bawmhnak an kan pek. Bawmh mi dihlak hi Kawlram tangka in Ks. 149,101,861 a si. A hmannak lei ah bawmtu lungtling tein HCMPC meeting biafunnak in hman a si. Tangka hmuhnak le hmannak report zong hi zapi sin ah thanh dih a si leng ah CBC,USA ah HCMPC Kumtling Meeting Report he official in report pek dih a si cang.

HCMPC nih aa tinh mi 1. Kokek ral in kan luat nakhnga a hlankan in tuahtuan ding. 2. Hmailei kum50 le kum 100 leng tiang cuanh bu in thiamsang pawl auh ding le ningcang tein a thangcho mi khualipi sersiam khawh nakding ca ah Master Plan tha tein suai i Cozah sin ah ruahnak pek ding. 3. Khuasak a nuam mi, aa dawh mi, a him mi le ningcang tein a thangcho mi khualipi a si khawh nakding. Cucaah, HCMPC nih a tuan khawh cang mi tampi a um i a tuan lio mi le pehzulh in tuan timh mi tampi a um. Mah lawng si loin ahopoh nih tuan ding tampi kan ngei hna. A caan um ahcun fiang deuh in kan langhter than te lai. Hakha khua hi a him taktak cang maw? Hi biahalnak hi ruah ngaingai a hau. 2015 kum kokek ral kan ton hnu in khua umtuning, vawlei umtuning pawl hi thiamsang pawl Geologist le Town Planner pawl nih a tanglei group 13 nih zohfelnak a kan ngeihpiak cang.

1.သတၳဳတြင္း ၀န္ၾကီး၊ ဘူမိေဗဒေလ့လာေရးႏွင့္ ဓါတ္သတၱဴ႐ွာေဖြေရးအဖြဲ႕မွဒုညႊန္မွဴးဦး၀င္းျမင့္ ဦးေဆာင္ေသာအဖြဲ႕

2. ျမန္မာႏိုင္ငံဘူမိသိပၸံအသင္းမွ အေထြေထြ အတြင္းေရးမွဴး ဦးေအးလြင္ဦးေဆာင္ေသာအဖြဲ႕

3. ဂ်ပန္ႏိုင္ငံ Myanmar Koei International မွ Mr. Tauhchin Hiroaki ဦးေဆာင္ေသာအဖြဲ႕

4. UNO Geotechnical Engineering Group မွ ဦးညႊန္႕ဦးႏွင့္ အဖြဲ႕

5. ဂ်ာမနီႏိုင္ငံ Cologne University မွ Professor Dr. Krass Frawke ႏွင့္အဖြဲ႕

6. Town Planning ကၽြမ္းက်င္ပညာ ႐ွင္ ေဒါက္တာေက်ာ္လတ္ႏွင့္အဖြဲ႕

7. Nehemiah Development Co.,Ltd. မွ ညႊန္ၾကားေရးမွဴး ဦးခင္ေမာင္လြင္ႏွင့္ အဖြဲ႕

8. ေက်းလက္ဖြံ႕ျဖိဳးေရးဦးစီးဌာနမွ ေျမေအာက္ ေရကၽြမ္းက်င္ပညာ႐ွင္ ဦးစိုးႏိုင္ႏွင့္အဖြဲ႕

9. ၿမိဳ႕ ျပႏွင့္ အိုးအိမ္ဦးစီးဌာနမွ ဒုညႊန္မွဴး ဦးစိန္၀င္းႏွင့္အဖြဲ႕ (Hakhathar Plan ေရးဆြဲ သူ)

10.ရန္ကုန္တကၠသိုလ္ပထ၀ီ၀င္မွ ေဒါက္တာ ထြန္းကိုႏွင့္အဖြဲ႕

11. ဂ်ာမနီႏိုင္ငံ Cologne University မွ Professor Dr. Krass Frawke (25.3.2017)

12. AIT University ကၽြမ္းက်င္ပညာ႐ွင္ ဦးေက်ာ္စြာျမင့္သိန္း

13.ဂ်ပန္ႏိုင္ငံမွကၽြမ္းက်င္ပညာ႐ွင္မ်ားျဖစ္ေသာ International Consortium on Landslide မွ Executive Director Professor Kyoji Sassa ႏွင့္အဖြဲ႕မ်ား K e i ma h c u a c u n gl e i thiamsang pawl an zohnak a chimtu le a zuultu ka si ve. Vawlei zohthiam mi pawl nih an zoh ning le an hmuh ning a kan chimhfian ning cu a tampi ko nain a tawifiannak in a tanglei bantuk in ka langhter.

1. Minung mizapi nih a kilven zia le a remh zia kan thiam lo ahcun Hakha khua lawng si loin Chin Ramkulh pumpi zong a him lai lo. 2. A chung um minung nih tuanvo laak in kil vennak le sersiamnak ah kan i bawm cio lai i kan tuan cio ahcun a him ko lai. 3. 2015 kum bantuk in vawlei pumpi ah thlichia hraan i ruahpi faak tuk in (စံခ်ိန္တင္မိုးေရခ်ိန္)a suur belte ahcun zeimawzat cu a rawk kho thiamthiam ko. Cucaah, kokek ral kilvennak ah Cozah nih mizapi theih in a thanh mi ralrinnak siseh, Department kip le CSO, khuami zapi pakhat cio nih mahle ti khawhtawk tuanvo laak cio a herh ti a si. Cucaah, Cozah lawng rinh loin kanmah le kan hmunhma cio in kan khua kan ramte hi kilveng cio usihlaw remh cio usih!#HakhaPost

LEAVE A REPLY

Please enter your comment!
Please enter your name here