Skip to main content

Washington Ah Uico Nih Kum 4 Ngakchia Fak Ngai In A Hliamter

World Health

14 April 2014: Kum 4 ngakchia pa Gavin Tobeck cu an cawk tharmi uico Smash he lente an i celh lioah, uico nih a seh i fak ngai in ai hliam. Mah ti a seh lio ahcun Gavin a nu Alissa Evans nih a hmuh i, zeiti tuah awk a hngalh ti lo hnu ah, coffee a sami a toih i cu hnu lawngah uico cu a ngol tiah Mirrow thanhca nih a phuan.

Gavin hi Lacey, Washington ah a ummi a si, a hmai le a hnawng hrawng fak ngai in ai hliam caah niruk chung siizungah ai thlop bul lio ahhin, doctor te nih cun a nunnak a him dingin an rak zum lo. A kha a rawk i, a hnar zong a man pinah a ha zong a zate lila an an tlong dih. Asinain a tu cu tthatlei a panh deuh cang.

Mah uico nih hin Gavin hi minit 1 chung seh seh law, a nunnak a dih kho men. Hringtu a nu Alissa nih cun “ka nun chung i ka hmuhmi vialte lakah hi thil hi ttih a nung cem ko. Ka fa hi a thih cuahmah lio ka hmuh bantukin ka ruah” tiah KOMO thanhca sinah a chim. Atu hi Alissa nih a fa ha ser tthannak dingah a lam kipin bawmh a hal lio asi.

Uico cu ni 10 chung saram zuatnak hmun ah an chiah i atu ahcun chungkhar hna nawl nakin thah dingin nawl chuahpiak a si cang. Ref: Mirror