Skip to main content

United Nations Agency nih Norway cu vawleicung um nuam bik ram ah an thim

United Nations Agency nih vawleicung um nuam bik nak ram cu Norway a si tiah report an pek. The World Happiness Report nih Vawleicung umnak ram nuam bik an thim tikah “mipi an I nuamh ning, zei ruang ahdah an I nuamh” timi tahfung an hman. 

Denmark, Iceland, Switzerland le Finland ram hna cu vawleicung um nuam bik Top 5 ah thim an si ve. Central African Republic ram cu a nuamlo bik ram ah an thim. 

Vawleicung um nuam bik ram pahra chungah Western Europe le North America ram hna nih hmunhma an lak lioah US le UK cu 14nak le 19nak ah an um. 

Ralhrang a tamnak Syria ram cu an thimmi ram 155 lakah 152nak ah a um. Yemen le South Sudan cu 146nak le 147nak ah an um hna. 

United Nations nih atu bantuk in vawleicung umnak ram nuam bik ah an thimmi hna nih zeitluk indah ram ṭha ah um a nuamh ning le zeitluk indah ralhrang le himnak umlonak hmun aa dan ning kha cuai a thlai duh ii a si.   

Ram nuambik an thimnak ah tahfung an hman rih mi cu “Economic Thazaang” (GDP), zatlang nunphung dirhkap ning, 

Nuhrin covo ah zalawnnak, nunsian ning, cun ziknawhnak hna hi an i tel. 

USA cu an Economic a tlak tuk caah Top 10 ah an I tel kho lo, miphun thleidannak, cun ziknawhnak tamtuk a um caah UN nih Top 10 ah an thim lo.