Skip to main content

Ralzam chungkhar hna nih an fa cu Justin Trudeau (Cananda cozah) cung lawmhnak langhternak ah a min an sak

Syria mi tampi cu an ram ṭhatlo ruangah ralzam dirhmun in hmunkip ah an phan hna. US cozah nih a cohlan duh ti hna lo caah Canada nih an ram chungah himtein um dingin lam a onh piak hna.  

Syria ralzam chungkhar pakhat nih Justin Trudeau le Canada cozah cung lawmhnak langhternak ah an fa cu “Justin Trudeau Adam Bilan” tiah an sak.   

Afraa Bilan le an pa Muhammad nih an fa cu Syria mipi cungah zawnruahnak le ṭhatnak tampi a tuahtu Canada cozah le an hruaitu Justin Trudeau cung an i lawmhnak langhternak ah  Justin Trudeau Adam Bilan min an pek.

Syria miphun nih an fale min hi an pipu hna min zoh in an sak tawn hna. Sihmanhsehlaw, Afraa nih “Syria mipi le kan cungah ṭhatnak a tuahtu Canada cozah le Justin Trudeau cung kan i lawmhnak langhternak ah atu bantuk i a min an pek hi a si” tiah CTV Calgary sinah a chim.        

Trudeau ralzam policy ruangah ralzam 40,000 renglo cu Sikpar 2015 thawk in Canada ah an phan cang tiah Canada cozah Website ah an ṭial. Ref.: News.sky