Skip to main content

Tuluk: Ahohmanh nih teinak an hmu lai lo

Tuluk Ramleng vuanci Wang Yi nih US le North Korea sinah “ral nan thawh a si ahcun aho hmanh nih teinak nan hmu lai lo” tiah ralrin a pek hna.  

US President Donald Trump nih US-North Korea ral kongah Tuluk cu lungsau tein um dinging ruahnak a pek hna. US VP Mike Pence cu South Korea cu Vaupi 16 ah Asia ram ni 10 chung khua tlawng dingin a phan lai.   

Pyongyang ah zuung khar in ralkap thazaang hmuhsaknak cu an tuah peng. Hi bantuk ralkap thazaang langhternak hi Vaupi 15 ah North Korea a rak dirhtu Kim II Sung kum 105 tlinnak lawmhnak puai tuahnak ding caah a si. 

Donald Trump cu Florida um Mar-a-Lago ah Thawhṭhan zarh cu a hmang lai. North Korea konghe pehtlai in Trump nih “buainak a chuahpitu an si, cu buainak cu a rauh hlan cu zohngiat an si ko lai” tiah a chim.  

North Korea Vice Minister Han Song Ryol nih AP thawngzamh sinah “kan ram Nuclear hriamnaam hi an ṭha lai, cun a tam lai” tiah a chim. An duh a si ahcun ral kan tho ko lai tiah a bia a peh chap.