Skip to main content

Donald Trump hruainak kutdang ah Stephen Hawking zong a thinphang ve

British Physics lei thiamsang Stephen Hawking cu US president Donald Trump hruainak ah US nih an ka cohlan duh ve lai lo tiah ka thinphang tiah a chim. 

“US ah hawikom le theihhngalh rianṭuaniṭi hawi tampi ka ngei, sihmanhsehlaw US (Donald Trump cozah) nih an ka cohlan duh ve lai lo” tiah Good Morning Britain he tonbiaruahnak ah Hawking nih a chim. 

Hawking nih Trump hi President thimnak an rak tuah lio ah biatak tein a rak dohtu pakhat a si ve. Sihmanhsehlaw, atu ahcun Hawking nih Trump nih pawngkam zohkhenhnak hi teima deuh in zohngiatnak a tuah a hau tiah a chim. Pawngkam zohkhenhnak kongah kan felfai lo ahcun America le kan vawleipi caah thil ṭha cu a chuak hlei lai lo” Hawking nih a chim.