Skip to main content

Bomb a nganmi hmannak kongah Trump hnatlakpinak a herh lo!

US Commander in Afghanistan nih “Mother of all bombs” hanging IS dohnak ding caah President Trump hnatlakpinak kan herh lo tiah a chim. 

Gen. John Nicholson cu bomb a nganmi hmannak nawl a ngei. Cu bomb min cu “Massive Ordnance Air Blast bomb-MOAB” tiah an auh. Hi bomb hi nuclear chimlo bomb vialte lakah a ngan bik mi a si. Tangkhawng thla in Afghanistan ah a um cang.      

Afghanistan um IS pawl an ci mihnak ding caah hman dingin Nicholson nih timhtuahnak a ngeih lio a si. 

Hi bomb kan hmannak konghe pehtlai in ramdang chimh a herh lem lo-North Korea zong chimh a hau lo tiah nawlngeitu nih a chim. 

Hi bomb he pehtlaihnak zong zeihmanh an ngei lo tiah an bia an pehchap. 

Air Force nih hi MOAB pakhat sernak ah US $170,000 a dih lai tiah an tuak. Zeizat setdah a dih lai ti cu an chim kho lo, cin pazeizat dah a um cang, an ser cang ti zong an chim lo.