Skip to main content

CYONA Convention cu July 1-3,2017 ah tuah a si lai, Pathian thangthat nak program a um chih lai

Written by Bawi H. Lian

Dallas – Chin Youth Organization of North America nih kum hnih ah vokhat atuah tawnmi CYONA Convention cu July 1-3,2017 ah Kansas City, Kansas ah tuah a si lai. June 30,2017 khi khualphak ni a si lai I, July 4,2017 khi kir ni a si lai tiah CYONA nih thawngthanhnak an tuah.

Tutan Convention [hawikomhnak/ipumhnak] ah lentecelh zuamnak phun phun, nunphung le caholh kilven le thancho ternak, thiamnak pahrang langhternak phunphun, Lai lam le Lai hlasak zuamnak, muidawh iangngei zuamnak, Lai thilthuam hmuhsaknak, biachimtu hna sawm in le cawnnak phunphun tuah ding in timhlamhnak an ngeihnak zong thawng an thanh.

Tutan ah phundang ngai in an telhmi program cu Pathian thangthatnak can hman a si. A ni hnihnak [zarhpi ni] ah hmunkhat ah Pathian thangthat ti nak program a um lai I, CBC USA Youth nih caan an hman lai.[ July 2 [a ni hnihnak] hi zarhpi ni a si. ]

Ara lai dingmi CYONA Convention nikhua ah hin Chin mi nih program ngan, a dang dang ngeih lo ding in nawlnak zong an tuah hna. Kansas I tuah dingmi CYONA Convention ah mino 2,000 leng an itel kho te lai tiah zumhnak an ngei. 2015 lio Dallas ah rak tuahmi CYONA Convention ah khual in minung 800 leng an rak itel kho. Convention tuahnak ah $45,000.00 hrawng an rak dih.

2017 CYONA Convention cu LIED Center, University of Kansas at Lawrence ah tuahtimh a si.

Hmanthlak:CYONA Logo, CYONA Facebook