Skip to main content

License ngei lo meithal zohfelnak tuah hlan ah license tuah ding in Chin Ramkulh Upadi Lutlai nih ralrin pek

Hakha, Chin - Chin Ramkulh chung ah license ngei lo meithal aa tlaih mi nih license tuah zokzok ding in Chin Ramkulh Upadi Lutlai Pu Sonny Thang Cung nih The Hakha Post in ralrin peknak an tuah. “Lai meithal asiah, a dangdang meithal asiah, license tuah rih lo mi a si ahcun biatak tein cheknak le zohfelnak kan tuah hlan ah tuah dih cang hna seh. An tuah khawh lo cun aa pehtlai mi Cozah Zung sin ah pe hna seh. Cu ti an tuah lo cun an ca ah a tha lai lo. Hihi biatak tein zohfelnak tuah ding mi a si,” tiah Chin Ramkulh Upadi Lutlai Pu Sonny Thang Cung nih The Hakha Post ah a chim.

Atu bantuk in zohfelnak tha tein tuah timh mi hi saram runvennak ca le pa khatkhat buainak a chuah tik ah tlam a tlin khawh nakhnga tinh in tuah mi a si tiah theih a si.#Hakha Post