Skip to main content

Khawnumthung kiangkap um mi khuate kongkau biahalnak Hluttaw meeting ah MP U Phwe Ar nih a chuahpi

Hakha - Chin Ramkulh tlangsang bik Khawnumthung cu Chin Ramkulh Cozah nih zapi dinhnak pangpar dum ah rak ser mi a si i a kiangkap um mi hna i an i thial ding mi le an pawcawmnak kongkau ah Chin Ramkulh Cozah lei nih zei tin ruahpiak mi a um maw tiah biahalnak a tuah. “Chin Ramkulh Cozah lei nih Khawnumthung tlang kiangkap a um mi khuate hna an i thial nakding le an pawcawmnak ruahpiak ding a um maw? Hi zapi dinhnak tlang ah ramsa siseh, va phun siseh zeitin dah kilvennak nan tuah, mizapi theih ding in lungphun le a dangdang theihnak nan tuah mi a um maw?” tiah Kanpetlet Peng Ramkulh Hluttaw Palai U Phwe Ar nih a chim. Hi kong he pehtlai in Chin Ramkulh Cinthlak le Zuatkhalhnak Minister Pu Mang Hen Dal nih, “Khawnumthung tlang kiangkap um khuate 40 hna hi a biapi in kan ruahpiak tuk ko hna. Cozah lei zong nih an pawcawmnak ca ah acre 1593.25 zong tlanglo tuahnak ah an rak pek cang mi hna a si. Khawnumthung tlang ah saram le thingram an himnak ca ah zong ah 2014 thawk in thingram hau lo ding mei duah lo ding zong nawl rak chuah cang mi a si,” tiah a chim. Khawnumthung tlang hi Chin Ramkulh ah tlangsang bik a si i Myanmar ram ah tlang a sang bik changtu a si. Chin Ramkulh Cozah nih 2010 thawk in National Park zapi dinhnak hmun ah an rak khiah mi a si. [Hakha Post]