Skip to main content

Fuurpi a tlaak cang bantuk in kan lamsuul kong ah ready kan si :Minister Pu Sui Thio

Hakha, Chin - Fuurpi a tlaak cang bantuk in lamsuul a rawk, a cim, a min i khualtlawnnak le pehtlaihnak ah harsa in kan um ca ah Chin Ramkulh Cozah nih tank ngan (setgyi) ready in chiah a si, tiah Lamsuul Minister Zung in thawng kan theih. “Kan si khawhtawk in kan i zuam i fuurpi ah lam a cimh/minh tawnnak pawl ah siseh, tihnung deuh hmunhma hna ah tank ready in kan chiah ko. Japan nih seh 102 an kan bawmh cang fawn i fuur chung umkalnak hi cu tihnung tuk a si lai lo. A si khawh chung in kan i zuam ko lai. Lam thar pemh mi le hlei thar dawnh mi tete zong an um len i biatak deuh in pehzulh le zohfelh khawh kan i zuam lai,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.

Zarh khat hrawng lawng ruahpi aa peh rih nain, Kalaymyo, Hakha-Thantlang le Gangaw lam a cim mi tete a um cang i, Chin Ramkulh Cozah nih tank ready in a chiah tiah thawng kan theih. #Hakha Post