Skip to main content

Chin Ramkulh Hluttaw meeting a voi ruknak an thawk than cang

Chin Ramkulh Hluttaw meeting a voi ruknak cu May 18 in Chin Ramkulh Cozah Hluttaw ah an thawk than cang. “Tutan Hluttaw meeting hi ni thum chung tuah a si lai. Ni khatnak ah Hluttaw Palai hna nih biahal an duh mi le biatung dirpi an duh mi an chim i biahalnak an tuah mi pawl zong Chin Ramkulh Cozah lei in tuanvo ngeitu hna nih bialehnak hna an ngei. Chin Ramkulh Hluttaw Chairman nih,“Biahal a duh mi hna nih Hluttaw Chairman Zung ah a tlawm bik ni 10 aa duh ah Hluttaw palai hna nih an min thut aa tel mi he nan rak pek cia lai.

    Hi Chin Ramkulh Hluttaw zulhphung ning in a biapi mi hal nan duh ahcun hlankan ni 15 ah ca chiah dih a si lai,” tiah Hluttaw meeting hramthawk ah a chim. Hluttaw Palai minung panga nih bia halnak pakua an tuah i tuanvo ngeitu Minister hna nih bia lehnak zong an ngeih hna. Hi meeting ah Hluttaw palai 23 kai ding a si i Ramri lei Humhimnak Minister Bohmugyi Kyaw Kyaw a kai khawh lo ca ah Palai 22 an kai. Zatuak in 95.65 an kai tiah Chin Ramkulh Hluttaw nih an fehter. [Hakha Post]